Guffu Barrara: እውነትም ነብሮ ትውልድ!

እውነትም ነብሮ ትውልድ !

የፕሮፌሰር አልማርያምን ፅሑፍ የሚያነቡ ሰዎች ስለ Cheetah generation/ ነብሮ ትውልድ የተወሰነ ግንዛቤ አላቸው ብዬ አስባለሁ። ምንም እንኳን ፕሮፌሰሩ ዛሬ የሚሞተውን ከወያኔ ጋር አንገት ላንገት ተናንቆ የሚረግፈውን የኦሮሞ ጉብል\ቄሮ በስም ባይጠቅሱትም እርሳቸው ያስቀመጡት ሓሳብ ይሕን ትውልድ ይገልፀዋል ብዬ አስባለሁ። ፕሮፌሰሩ የወደፊት የኢትዮጲያ ዕጣ በCheetah generation ትከሻ ላይ ነው ይሉናል። ይህ ትውልድ Hippo generation ጋር አብሮ በመሥራት በእኩልነት በፍትሕ በዲሞክራሲና በነፃነት ላይ የተገነባች ኢትዮጲያን እውን ያደርጋል ይሉናል። ይህንን የእርሳቸውን ሓሳብ ሳነብ  የኢትዮጲያ የወደፊት ዕጣ እውነትም በኦሮሞ ጉብሎች/ቄሮ ትከሻ ላይ መውደቁን አሳየኝ።

የኦሮሞ ጉብሎች/ቄሮ ነብሮ ትውልድ መሆኑን ሳያቛርጥ ላለፉት ሁለት አመታት ባደረገው ትግል አስመስክሯል። እስከአፍንጫው ታጥቆ ፊት ለፊት ከሚተኩስ ሠራዊት  ፊት ቆሞ እየሞተ እየተደበደበ እየታሠረ እምቢ! ለመብቴ ለነፃነቴ ለፍትሕ ለእኩልነት ለዲሞክራሲ የሚል ትውልድ፤

ጓደኞቹ ሲሞቱበት እምቢ! ፍትሕ ለተሰዉት ጓደኞቼ የሚል ትውልድ፤

በማባበል በመለማመጥ አልፈታም ፍትሕ እኩልነት ዲሞክራሲ ዛሬዉኑ፣በቃኝ፣እምቢ ያለ ትውልድ፤

ገዳዮቹ በድብቅ የተቀራመቱትን መሬት ዕውቀቱን በመጠቀም በማስረጃ አስደግፎ Investigative report ያቀረበ ትውልድ፤

በሞት በእስራት በድብደባ መሐል የወገኖቹን ጩኸት በስልክ ቀርፆ ለአለም የሚያሳውቅ ትውልድ፤

የሞቱ የቆሰሉ የታሰሩ ወገኖቹን እሮሮ በፅሑፍ በቪድዮ በፎቶ ቀርፆ በገዳዮቹ ላይ መረጃ የሚያጠናቅር ትውልድ፤

ሞትን አይቶ ሰምቶ ከሞት ጋር ተናንቆ እየሞተ እምቢ! ለመብቴ ለነፃነቴ ለፍትሕ ለእኩልነት ለዲሞክራሲ የሚል ትውልድ፤ አራስ ነብር እንጂ ምን ይባላል። እውነትም ነብሮ ትውልድ!

ዳዊቴ እምቢ/ዲድኔ! በተሰኘው ሙዚቃው እንዲህ ሲል ያቀነቅናል፡

እኛም እምቢ አልን ጭቆናን እምቢ

እምቢ በቃን አልን ተስማምተን እምቢ

ኣራሹ አባቴ ቆራሹ አባትህ

ቆየን እምቢ ካልን ቀረህ ብቻህን

እምቢ/ዲድኔ! ግድያን፣ ዘረፋን፣አፈናን፣ስደትን፣ጭቆናን፣እሥራትን

 

እውነትም ነብሮ ትውልድ! አክብሮቴና አድናቆቴ ይድረሳችሁ አራስ ነብሮቼ

ሰፈር ውስጥ በልጅነቴ ጨርቅ ኳስ ስጫወት በምናዜማት ዜማ ልሰናበታችሁ

የእርግብ አሞራ ከቄሮዬ/ከጎብሌ ጋራ

የእርገብ ሽውሽው ጭቆናን፣ግድያን፣ ዘረፋን፣አፈናን፣ስደትን፣እሥራትን በጣጥሺው

የሐገሬ ልጆች ረዣዥሞቹ ወፍራም ሳይሆኑ ቀጫጭኖቹ

ይናደፋሉ እንደንቦቹ

Guffu Barrara

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s