የኦሮሞ ህዝብ ኦሮሚያ ቀዬዬ፣ አዲስ አበባ ከተማዬ፣ ኢትዮጵያ አገሬ፣  ብሎ መነሳቱን ጭጭምታ ሰምታችው ለተደሰታችውም፣ ለተደናገጣችሁም፣ ዓይናችው ደም ለለበሰውም ሁሉ፣ ሁሉም ሰላም፣ ሁሉም ደህነ ስለሆነ ሰለም ለሁላችንም  ይሁን እላለው። 
የኢትዮጵያን ድንበር እንኳን  ኦሮሞ፣ ፈረሶቻችንም ያውቁታል። ጀግኖች አባቶቻችን በደማቸውና በአጥንቶታቸው ያስከበሯት ኢትዮጵያ፣ ምድርቷ አፍ ኖሯት ብትነገር  ኦሮሚኛ እንደምትናገር አደዋ፣ ማጨው፣ ጅጅጋ፣ ወልወል፣ ኤርትሪያና መላ አገርቷ ምስክሮች ናቸው። ከኢትዮጵያ ህዝብም ይህን የማያውቅ ከልሆነ በስተቀር የምክድ የለም።
የቋንቋ ነገር ከተነሳ የኦሮሞ ህዝብ ቋንቋውን ማንም ላይ አይጭንም። የሚፈለገው አራት ኪሎ አፋን ኦሮሞና አማርኛን እንድትናገር ብቻ ነው። 
በነገራችን ላይ አራት ኪሎ እንደ ዱሮ ስሟ ጨፌ አራራ (የእርቅ ምድር) ትባላለች፣  ትሆናላችም።
  ያ ሶላቶ ጣሊያን ፕያሳ፣ መርካቶ፣ ወዘተ ብሎ ሰይሟቸው የሄደው የአዲስ አበባ  ሰፈሮች ወደ ድሮ የኦሮሞ ስማቸው በክብር ይመለሳሉ። 
የእንግሊዙን ስውዬ ስም የያዘው የቸርችል ጎዳና፣ ተደሰ ብሩ ጎዳና ይሆናል። ቦሌ ያው ቦሌ ነው። 
በነገራችን ላይ በኦሮሞ መራሿ ጨፌ አራራ በኦሮሞ ባህል መሠረት ኢትዮጵያ ለአንዱ እናት ለሌላው የእንጀራ እናት አትሆንም። ልጆች በባህላችን እኩል ናቸው። ልጆችን ማበላለጥ ነውር ነው። ኦሮሞ መራሿ ኢትዮጵያ ለሁሉም ኢትዮጵያዊ የእኩል እናቱ ነች። 
አንድ የመጨረሻ ነገር፣ ፈረሶቻችን ውሃ የሚጠጡበትን የባህር በር ጉዳይ በአንክሮት እንዲያስቡበት የቤት ስራውን  ከወዲሁ ለጀነራል ፃድቃን አደራ ብለናል። ሌላውን የኦሮሞ ፈረሰኞች ከሌሎች ኢትዮጵያዊያን ወንድሞቻቸው ጋር  ይጨርሱታል። አለቀ። ቀመሩ  ይኸው ነው። 
ሰላም ለሁላችንም፣ ቡናና ሰላም አትጡ።